tejaspm 的最愛

Cyrtarachne ixoides
Surprised to spot this Rarity at our indraprastha farm on Tree top at height of at least 50feet !
Never expected a snail mimic ( this has a man faced abdomen ! )at that height, spotted accidentally while cutting a dead tree.
ಥೇಟ್ ಹನುಮನ ಮುಖವನ್ನು ತನ್ನ ಬೆನ್ನ ಮೇಲೆ ಹಚ್ಚೆ ಹಾಕಿಸಿಕೊಂಡಿರುವ ಜೇಡ, ಶಂಖದ ಹುಳವನ್ನು ಅಣಕಿಸಿ ತನ್ನನ್ನು ತಾನು ಹಕ್ಕಿಗಳಿಂದ ರಕ್ಷಿಸಿಕೊಳ್ಳುತ್ತದೆ. ನನ್ನ ಕಲ್ಪನೆಗೆ ಇದರ ಬೆನ್ನಮೇಲೆ ಹನುಮನ ಮುಖ , ನಿಮಗೆ ಬೇರೇನೋ ಕಾಣಬಹುದು . ಅದೇನೇ ಇರಲಿ, ಈ ಜೇಡ ಕಳೆದ ಡಿಸೆಂಬರ್ ತಿಂಗಳಲ್ಲಿ ನನಗೆ ಸಮ್ಮಿಲನ್ ಶೆಟ್ಟಿ ಅವರ ಚಿಟ್ಟೆ ಉದ್ಯಾನದಲ್ಲಿ ಮೂರೂ ಅಡಿ ಎತ್ತರದಲ್ಲಿ ಕಾಣಿಸಿತು. ಭಾರತಕ್ಕೆ ಆಗ ಅದು ಮೂರನೇ ದಾಖಲೆಯಾಗಿತ್ತು. ಆರು ತಿಂಗಳ ಅಂತರದಲ್ಲಿ ಇದೀಗ ನಮ್ಮ ತೋಟದಲ್ಲಿ!
ಅಂದು ಮೂರೂ ಅಡಿ ಎತ್ತರದಲ್ಲಿ ಸಿಕ್ಕಿದ್ದ ಜೇಡ ಈ ಬಾರಿ ಬರೋಬ್ಬರಿ ಐವತ್ತು ಅಡಿ ಎತ್ತರದ ಮರದ ಮೇಲಿತ್ತು . ಮೂರುವರ್ಷಗಳ ಹಿಂದೆಯೇ ಸತ್ತಿದ್ದ ಮರವನ್ನು ನಿನ್ನೆ ಕಡಿಯಬೇಕಾಗಿ ಬಂದಿತ್ತು . ಧರಿಗೆ ಬಿದ್ದ ಮರದ ತುದಿಯಲ್ಲಿ ಈ ಜೇಡ ನನ್ನ ಕಣ್ಣಿಗೆ ಅಚಾನಕ್ ಆಗಿ ಕಾಣಿಸಿತು. ಅರೆ.. ಅರೆ... ಈ ಜೇಡ ಇಷ್ಟು ಎತ್ತರದಲ್ಲಿ. ಪರಮಾಶ್ಚರ್ಯವಾಯಿತು. ಒಣ ಕಡ್ಡಿಯನ್ನು ತುಂಡು ಮಾಡಿ, ಜೇಡವನ್ನು ಮನೆಯ ಮುಂದಿನ ಗಿಡದ ಮೇಲೆ ಬಿಟ್ಟದ್ದೂ ಆಯಿತು. ಅದರ ನಾನಾ ಭಂಗಿಗಳನ್ನು ಚಿತ್ರಿಸುವ ಸೌಭಾಗ್ಯವೂ ನನಗೆ ದೊರೆಯಿತು !
may 2024
Indraprastha.